بھارت جوڑو یاترا کی طرز پر جونپور میں بھی پد یاترا شروع کی جائے گی: ندیم جاوید

جونپور:- اس یاترا سے ضلع کے طلباء، نوجوان، کسان اور عام لوگ بڑی تعداد میں منسلک ہوں گے ضلع کی بی جے پی قیادت کی بے حسی اور ضلعی عہدیداروں کے غیر ذمہ دارانہ رویہ سے ضلع کے عوام میں بے اطمینانی صاف ظاہر ہورہی ہے۔ عوامی مفاد کے مسائل کو مدنظر رکھتے ہوئے پیدل مارچ کی صورت میں ایک بڑی عوامی تحریک کا خاکہ تیار کیا جا رہا ہے جسے جلد حتمی شکل دی جائے گی مذکورہ بات جونپور صدر کے سابق ایم ایل اے ندیم جاوید نے ضلع اور سٹی کانگریس کمیٹی کے زیر اہتمام کارکنوں کے اجلاس سے خطاب کرتے ہوئے کہی۔ انہوں نے کہا کہ ریاستی حکومت مکمل طور پر ناکام ہو چکی ہے ریاست میں انتشار کا ماحول ہے ڈکیتی، قتل، ڈکیتی، چھینا جھپٹی اور خواتین کو ہراساں کرنے جیسے سنگین واقعات ریاست کی پہچان بنتے جا رہے ہیں جو کہ انتہائی افسوس ناک ہے۔

انہوں نے کہا کہ جونپور ضلع بھی کئی طرح کے سنگین جرائم سے اچھوت نہیں ہے ضلع میں روز بروز بہنوں اور بیٹیوں کو ہراساں کرنے کے واقعات رونما ہو رہے ہیں جو کہ انتہائی تشویشناک ہونے کے ساتھ ساتھ ضلعی انتظامیہ کی ناکامی کو بھی ظاہر کرتا ہے۔ انہوں نے کہا کہ کارکن پارٹی میں ریڑھ کی ہڈی کی حیثیت رکھتے ہیں۔ آج اس میٹنگ میں پارٹی کارکنوں سے بات چیت کے بعد یہ بات سامنے آئی ہے کہ ضلعی تنظیم اور ہم سب مل کر ضلع کے عوام کے بنیادی مسائل پر ایک بڑی عوامی تحریک بنانے کی سمت میں کام کر رہے ہیں۔

پروگرام کی نظامت ریاستی سکریٹری ستیہ ویر سنگھ نے کی۔ میٹنگ کو نو منتخب ضلع صدر پرمود سنگھ اور شہر صدر عارف خان، ریاستی سکریٹری پنکج سونکر، راکیش سنگھ ڈبو، راکیش مشرا، لال پرتاپ سنگھ، جوہر عباس، جئے منگل یادو، شیر بہادر سنگھ، جئے پرکاش مشرا، فیاض ہاشمی، شاہنواز منظور کونسلر ہشام الدین قریشی، ونے تیواری، ارون شکلا، راجیو نشاد وغیرہ نے خطاب کیا۔