اس دوران ضلع صدر ڈاکٹر پرمود سنگھ نے کہا کہ تنظیم کو مضبوط بنانے کے لیے سب کا تعاون بہت ضروری ہے۔ کارکنان آپسی اختلافات بھلا کر تنظیم کو مضبوط کریں تاکہ ضلع میں کانگریس مضبوط ہوسکے۔ انہوں نے کہا کہ مجھے جو بھی ذمہ داری ملی ہے میں اسے پوری لگن اور ایمانداری سے نبھاؤں گا کارکنوں کے وقار میں کوئی کمی نہیں آئے گی۔
شہر صدر عارف خان نے ریاستی اور قومی قیادت سے اظہار تشکر کرتے ہوئے کہا کہ شہر کے ہر وارڈ میں پروگرام منعقد کرکے وارڈ صدور کو نامزد کیا جائے گا۔ کانگریس کے ہر رکن کو اپنے اختلافات کو ایک طرف رکھ کر کانگریس پارٹی کو مضبوط کرنے کے لیے کام کرنا چاہیے۔ مجھے یقین ہے کہ ہم 2027 میں اتر پردیش میں حکومت بنائیں گے۔ اس کے علاوہ کانگریس کے دیگر رہنماؤں نے بھی اپنے اپنے خیالات کا اظہار کیا۔
اس موقع پر فیصل حسن تبریز، وشال سنگھ حکم، پنکج سونکر، آر سی پانڈے، راکیش سنگھ ڈبو، راکیش مشرا، فیاض ہاشمی، دیویندر سنگھ، ریکھا سنگھ، امت تیواری ببلو، ساجد مانو، جبار علی سلمانی، نیاز طاہر شیخو، ابوذر شیخ، نثار احمد، نیاز طاہر شیخو، ششانک سونکر، دیوراج پانڈے، انیس احمد، شاہنواز خان سمیت کانگریس کے اراکین کی بڑی تعداد موجود تھی۔ ستیہ ویر سنگھ نے آج کے پروگرام کی نظامت کی۔
کوئی تبصرے نہیں:
ایک تبصرہ شائع کریں